Ministri i Brendshëm i dorëhequr, Sandër Lleshaj ka treguar mbrëmjen e sotme se hetimi për vrasjen e Klodian Rashës nuk do të mbyllet pa u zbardhur se e kujt ishte arma e gjetur në afërsi të vendit të krimit.
“Janë të parat njoftime janë raportimet e njerëzve që ballafaqohen me ngjarjen. Kolegu i tij në krah. Nuk mund të pretendohet qartësi absolute në çastet e para, pasi s’do të kishim nevojë për hetim. Dua të them se deklarata e parë zyrtare e Ministrisë së Brendshme është e pandryshuar, pasi që në çastin e parë pas analizimit të fakteve themelore, u konkludua se kemi tejkalim të ligjit nga efektivi. Tendenca e parë e kujtdo është që polici vepron në emër të ligjit.
Në një kohë kur ai ka raportuar se ka kërkuar ndihmë. Këto janë pasqyruar në raport. Sigurisht që ka nevojë për thellim hetimi. Dinamika e ngjarjes është thelluar, por ka ngelur e hapur çështja e një arme që u fut në qarkullim në këtë histori, ajo u gjet në itinerarin e ndjekur nga viktima. Duhet sqaruar se ajo do të zbardhte shumë gjera. Çështja nuk është e mbyllur pa u sqaruar dhe çështja e armës, të panjohur, misterioze. Nuk është sqaruar dhe do të sqarohet. Më pas sqarohen dhe raportet paraprake. Nuk dyshohet dhe as panalizohet njeri për raporte paraprake.”, tha ai.
Gjithashtu ai ka treguar se vprimi për të dhënë dorëheqjen ishte vendim i tij, një dorëheqje e menduar me qetësi dhe shumë vendosmëri. Ndër të tjera Lleshaj ka treguar për News24 se ka dhënë dorëheqjen pa u nxitur nga dikush, ose pa u shkakruar nga kryeministiri Edi Rama.
Sipas tij, ngjarja është një rrufe në qiell të hapur që ka shkaktuar impakt tëk ish-ministri.
“Është fare e thjeshtë kam dhënë dorëheqjen me qetësi dhe shumë vendosmëri. S’ka pasur asgjë tjetër.
Mendoj që unë nuk jam person që heq dorë lehtësisht nga gjërat, aq më tepër heq dorë nën presion. Nëse do kishte ndonjë presion do kishte ndodhur e kundërta. Është rezultat jo i një situate, por i një momenti. Nuk kemi një kontekst të madh para largimit, por një ngjarje, një rrufe në qiell të hapur, që kërkon reflektim që shkaktoi një impakt tek unë. Është një ngjarje e vetme, e papritur, e pallogaritur”, deklaroi Lleshaj./Opinion.al
