Aktori Naun Shundi, reagon për vrasjen e 25-vjeçarit, Klodian Rasha nga policia dhe për protestat që pasuan më pas.
Për aktorin, vrasja e të riut Rasha ishte shkëndija që ndezi dhe shpërtheu fuçinë e barutit, dhe sipas tij, kur fuçia shpërthen, nuk pyet më për rregulla e ligje.
Aktori Naun Shundi shpreson që këto protesta të jenë një mësim i mirë për qeverinë aktuale por dhe për ato që do të vijnë.
“Unë do të uroja që kjo që ndodhi e po ndodh sot, tu shërbej si mësim qeverive si sot, por dhe atyre që do të vijnë në të ardhmen, se kështu ndodh nëse i shkel dhe e dhunon popullin aty ku nuk mban më. I lemë këte jo ligji, apo jo e jashtë ligjeshme. Vrasja e atij djali ishte shkëndija që ndezi dhe shpërtheu fucinë e barutit dhe kur fucia shpërthen, nuk pyet më për rregulla dhe ligje. Tejkalimi i së drejtës është koncept i njohur dhe ata që e dinë, duhet të dinë dhe të kujtojnë gjithashtu edhe konceptin shkak-pasojë. Shkakun e dinë të tërë, pasojat akoma nuk e dimë se cilat mund të jenë”, u shpreh aktori Shundi./Opinion.al
