Edmond Përdoda, i cili u arrestua disa ditë më parë për vrasjen e rapsodit Kol Murrani dhe mikut të tij, Preng Simoni, ngjarje e ndodhur më 2020, në fshatin Lalm i Ri, ka pranuar krimin.
Ndërkohë sot janë gjetur dy armë kallashnikovë që dyshohet se u përdoren në vrasjen e rapsodit dhe mikut te tij, ndërsa gjykata vendosi ndaj tij masën e sigurisë “arrest me burg”.
Zbulimi erdhi pas një përgjimi ambiental të të dyshuarit Edmond Perdoda me një familjar të tij. Mësohet se armët u zbuluan të groposura në Lalm Lukaj.
Pas krimit të ndodhur më 27 prill 2022, në pranga ra Aleksandër Perdoda ndërsa të premten u arrestua Edmond Përdoda. Të dy vëllezërit rezultojnë me precedentë kriminale në fushën e krimeve ndaj jetës.
Kujtojmë se vrasja e dy viteve më parë ndodhi për motive pronësie. Dy vëllezërit pretendonin se toka ku ndodhej rapsodi me shokun e tij iu përkiste atyre.
Pas vrasjes dy vëllezërit lanë trupat e viktimave në pyll. Viktimat u gjetën nga djali i Preng Simonit, që kishte dalë të kërkonte babanë me të cilin kishte humbur çdo kontakt prej orësh të tëra./Opinion.al
