Gjykata e Posaçme kundër Korrupsionit dhe Krimit të Organizuar ka çelur gjykimin ndaj Erion Alibejt, Xhuliano Hoxhës dhe Euglen Halilit të akuzuar nga SPAK për vrasjen e Emiljano Ramazanit dhe Regis Runajt në Elbasan, në korrik të 2020.
Zbardhja e dy vrasjeve u bë falë bashkëpunimit me drejtësinë të njërit prej të akuzuarve, Euglen Halilit i cili në dëshminë e tij është shprehur se Erion Alibej porositi dy vrasjet pas dyshimeve se Ramazani dhe Runaj ishin të përfshirë në ekzekutimin e vëllait dhe xhaxhait në masakrën e Bradasheshit.
Mësohet se SPAK kërkoi pyetjen e 24 dëshmitarëve, mes të cilëve edhe Nuredin Dumani dhe Henrik Hoxha, të penduarit e drejtësisë në dosjen “Golden Bullet”.
Ndërsa avokatët e të pandehurve pretenduan mospërputhje të deklarimeve të të penduarve Halili dhe Hoxhaj e Dumani për të njëjtat episode kriminale.
