Këshilltari i lartë i Departamentit amerikan të Shtetit, Derek Chollet, u bëri thirrje të martën Kosovës dhe Serbisë për uljen e tensioneve dhe kthimin në tryezën e bisedimeve për normalizimin e marrëdhënieve.
Përmes një postimi në rrjetin X, të njohur si Twitter Chollet ka reaguar për sulmin mbi policinë e Kosovës në veri, nga një grup i armatosur që la të vdekur një oficer policie.
Pas bisedave të zhvilluara me kryeministrin e Kosovës, Albin Kurti dhe presidentin e Serbisë, Aleksandër Vuçiç, Chollet shkruan se të dyja palët duhet të kthehen në dialogun e ndërmjetësuar nga BE dhe të zbatojnë marrëveshjen e Ohrit.
“Bisedova me kryeministrin Albin Kurti për sulmin e tmerrshëm të së dielës në Kosovë. Dënoj ashpër dhunën kundër policisë së Kosovës dhe shpreha ngushëllime për humbjen e rreshterit Afrim Bunjaku. Të dyja palët duhet të kthehen në dialogun e ndërmjetësuar nga Bashkimi Evropian dhe të zbatojnë pikat e marrëveshjes së Ohrit”, shkruan ai.
Spoke with PM @albinkurti of the heinous attack Sunday in Kosovo. Strongly condemned violence against Kosovo Police; expressed condolences on the loss of Sergeant Afrim Bunjaku. Both sides must return to the EU-facilitated Dialogue and implement Ohrid commitments.
— Derek Chollet (@CounselorDOS) September 26, 2023
Ndërkohë pas diskutimit me Vuçiç, Collet shkruan:
“Fola për rëndësinë e shtensionimit të menjëhershëm në veri të Kosovës dhe shmangien e veprimeve që mund të nxisin më tej tensionet. Humbja tragjike e jetës nënvizon nevojën urgjente për të rivendosur qetësinë dhe për t’u kthyer në dialogun e lehtësuar nga BE-ja”.
Spoke to President Vucic @predsednikrs on the importance of immediate de-escalation in the north of Kosovo and avoiding actions which could further inflame tensions. The tragic loss of life underscores the urgent need to restore calm and return to the EU-facilitated Dialogue.
— Derek Chollet (@CounselorDOS) September 26, 2023
Kujtojmë se në sulmin e së dielës mbeti i vrarë një pjesëtar i Policisë së Kosovës dhe 3 të tjerë u plagosën në përleshjet me një grup të armatosur serbë, të cilat sulmuan policinë më 24 shtator 2023 në veri të Kosovës, në fshatin Banjskë të Zveçanit e banuar me shumicë serbe./Opinion.al
