Kosova ka mbyllur edhe pikën e dytë kufitare që e lidh me Serbinë. Pas Bërnjakut, është mbyllur edhe pika e Jarinjes.
Situata është e tensionuar për shkak të vrasjes së policit të Kosovës nga grupet kriminale në veri të Kosovës.
Kryeministri Kurti tha se janë të paktën 30 persona të armatosur rëndë dhe me përgatitje ushtarake që qëndrojnë në manastirin e Banjskës dhe mbahen të rrethuar nga policia e Kosovës.
Ndërkaq, policia e Kosovës ka bërë me dije se pas rrezikut të shfaqur nga sulmet sporadike të grupeve kriminale, në vetëmbrojtje, policia është detyruar t’i kundërpërgjigjet grupeve kriminale dhe si pasojë një nga sulmuesit është vrarë.
