Partia Demokratike gjatë një dalje mediatike pasditen e sotme ka treguar, sipas saj, me fakte si se u mbrojt ajo që ata e konsiderojnë “masakra zgjedhore Rama-Doshi”.
Nëpërmjet ish-deputetit Enkelejd Alibeaj, PD shprehet se para zgjedhjeve prokurori i ngjarjes së Elbasanit, ku mbeti i vrarë Pjerin Xhuvani, tha se nuk kishte asnjë provë për krime zgjedhore në makinat e ndaluara nga Struktura për Mbrojtjen e Votës së PD-së.
“Në video që do të ndjekim tani, të gjithë do të shihni dhe dëgjoni se si prokurori para zgjedhjeve thotë se nuk kishte asnjë provë në makinat e bandave të Elbasanit.
Ndërsa pas zgjedhjeve, prokurori deklaron të kundërtën. Ai thotë se policia gjeti para dhe karta identiteti në makinë.
Ja si po mbrohet masakra elektorale Rama-Doshi. Kjo që shihni këtu është vetëm maja e ajsbergut.
Të gjithë shqiptarët janë të vetëdijshëm se se si kanë vepruar Rama-Doshi dhe banditët e pushtetit për të vjedhur dhe blerë rezultatet e zgjedhjeve.”- tha Alibeaj
Mirëpo sipas ish-deputetit Alibeaj, pas zgjedhjeve ka ndodhur e kundërta, ku prokurori në gjykatë ka thënë se janë gjetur para dhe karta identiteti në makinë.
Në fund të deklaratës së tij Alibeaj paralajmërojë të tjera fakte dhe të dhëna në ditët në vijim dhe u shpreh se “do të luftojmë me gjithë fuqinë dhe besimin që qytetarët na dhanë në këto zgjedhje, në mënyrë që të rrëzojmë regjimin Rama-Doshi”./Opinion.al
