Gjykata e Elbasanit ka dhënë masën e sigurisë “arrest me burg” për Arbër Paplekajn, autorin e vrasjes së Pjerin Xhuvanit në Elbasan, ndërsa janë lënë të lirë të gjithë të akuzuarit e tjerë.
Po ashtu Gjykata ka dhënë masën e sigurisë me detyrim paraqitje për Eldjo Bekon, i cili akuzohej për moskallëzim krimi, ndërsa vijon të mbetet në kërkim për ngjarjen Kelmend Xhaferri.
10 anëtarët e Strukturës së Mbrojtjes së Votës, pranë PD që janë lënë të lirë janë: Arjan Hoxha, Pavlo Vuksani, Emiljan Prenga, Juljan Mataj, Erald Guga, Erjon Demushi, Taulant Ymeri, Roland Xhepa, Nuredin Kasma, të dyshuar për kryerjen e veprës penale “Heqja e paligjshme e lirisë së personit e kryer me dhunë”në bashkëpunim.
Arbër Paplekaj i dyshuar për vrasjen e Pjerin Xhuvanit ka mbërritur në Gjykatën e Elbasanit nën masa të rrepta sigurie bashkë me të akuzuarit e tjerë.
Autori i dyshuar i vrasjes së Pjerin Xhuvanit në Elbasan, Arbër Paplekaj pas krimit u vetëdorëzua në polici.
Ngjarja e rëndë ku mbeti i vrarë ish-kryetar i LSI-së në Elbasan, ish-zyrtar dhe së fundmi simpatizant aktiv i Partisë Socialiste në degën e Elbasanit, tronditi qytetin në prag të zgjedhjeve parlamentare, ndërkohë që u plagosën edhe katër persona të tjerë./Opinion.al
