Të tjera fakte publikohen në lidhje me vrasjen e 18 vjeçarit, Fabio Hila në Pogradec pasditen e djeshme. Sipas policisë, autori i krimit, Fabian Muçllari, 18 vjeç ka shkuar me automatik në krah në lokalin ku ndodhej Hila.
“Konflikti ka ndodhur nëpërmjet facebookut ku autori i ka shkruar Fabianit se pse ke folur keq për mua në lidhje me një vajze. Ndërmjet tyre janë shkëmbyer sms me fjalë fyese deri në kërcënime dhe autori e ka pyetur për vendin ku ishte viktima dhe ka marrë me vete dhe një arme automatike të cilën e ka fshehur në trup. Kur ka shkuar në lokal pas sherrit verbal, Fabio Hila e ka qëlluar me karrige. Në këtë moment Fabian Muçllari ka nxjerrë armën dhe ka qëlluar në drejtim të tij”, thotë policia.
Më tej, sqarohet se “mes këtyre dy shtetasve nuk ka pasur konflikte apo plagosje me parë siç flitet ne disa media. Ngjarja ka qenë momentale” .
Ndërsa lidhur me precedentët e autorit Fabian Muçllari, policia e shtetit deklaron se është proceduar më 11 Maj 2016 për veprën penale “Plagosje e lehte”pasi ka goditur me mjet prerës shtetasin E. M., 19 vjeç, me banim në Bucimas-Pogradec, dhe për këtë veper penale ai eshte në proces gjykimi”.
Reagimi erdhi pas shkrimeve në media, ku referuar burimeve thuhet se Fabian Muçllari kishte sherr të hershmën me viktimës. Po sipas burimeve, Muçlari kishte mbetur i plagosur në Maj dhe madje kishte rënë në koma. Policia pranon se Muçlari ka qenë person me precedent por ndaj tij nuk është bërë denoncim, ai është proceduar dhe po hetohej i lirë, thotë policia e shtetit. /Opinion.al
