Oliver Ivanoviç, lider i iniciativës qytetare “Liria, Demokracia, Drejtësia” [SDP] në Kosovë u vra rrugës ndçrsa po shkonte në punë, mçngjesin e 16 janarit tç kçtij viti, teksa ndaj u shkrepçn nç njç pritç 4 plumba.
Ngjarja ndodhi pranë selisë së zyrës së tij.
Sot policia e Kosovçs ka arrestuar katër persona, tre prej të cilëve dyshohet se janç përfshirë direkt në vrasjen e politikanit serb.
Lidhur me rastin, Policia e Kosovçs po vazhdon kërkimet për tç vënë në pranga edhe Milan Radoiçiç (nënkryetar i Listës Serbe), të cilit iu bastis shtëpia.
Dita e sotme filloi me raportimin e mediave për aksionin e ROSU-s në veri të Mitrovicës.
Pas hetimeve disamujore, Drejtoria për Hetimin e Krimeve të Rënda nën udhëheqjen e prokurorit Special të Prokurorisë Speciale dhe me urdhëresë të gjykatës, ka kryer kontrolle në katër lokacione në veri.
Këto kontrolle rezultuan me arrestimin e katër personave, tre prej tyre dyshohet se janë përfshirë në vrasjen e Oliver Ivanoviqit, kurse një tjetër është arrestuar për shkak se ka rezistuar dhe penguar zyrtarët policorë gjatë kontrollit dhe arrestimit të të dyshuarve për rastin në fjalë.
Dy nga të dyshuarit janë pjesëtarë të Policisë së Kosovës.
Bëhet fjalë për N.S., viti i lindjes 1976, M/S/K, njëherësh zyrtar policor në Veri të Mitrovicës, M.R. viti i lindjes 1993, M/S/K, D.M. viti i lindjes 1970, M/S/K, po ashtu zyrtar policor në Veri të Mitrovicës dhe A.C., viti i lindjes 1965, M/S/K.
Pas këtij aksioni Policia konfirmoi se gjendja në Veri është e qetë dhe nuk ka vend për shqetësim. Ndërsa, kryeministri Ramush Haradinaj, theksoi se aksioni i sotëm nuk ndërlidhet me zhvillimet politike në vend.
Veprimi i tillë është në pajtim të plotë me ligjin, tha ai.
