Një aksion special që ka angazhuar rreth 100 policë është zhvilluar në Veri të Mitrovicës ku janë arrestuar dy persona të përfshirë në vrasjen e Oliver Ivanoviç.
Klan Kosova njofton se policia ka arrestuar një zyrtar të lartë të policisë në Veri të Mitrovicës, Rade Basara dhe një person tjetër ende i paidentifikuar.
Në listën e arrestimeve ishte edhe shef i Operativës, Zhelko Bojiq por ai nuk është bërë e mundur kapja e tij.
Sipas prokurorit special Sylë Hoxha, të dy të arrestuarit dyshohen për krim të organizuar, pjesëmarrje në fshehjen e provave dhe veprimtarive tjera që kanë të bëjnë me vrasjen e Oliver Ivanoviq.
Ai ka shtuar se i gjithë ky aksion është bërë me urdhër të Prokurorisë Speciale përderisa është ekzekutuar nga Gjykata Themelore e Prishtinës.
Oliver Ivanoviç, lider i iniciativës qytetare “Liria, Demokracia, Drejtësia” [SDP] në Kosovë u vra në 16 janar 2018, pranë selisë së zyrës së tij. Në lidhje me këtë ngjarje policia e Kosovës shpalli në kërkim edhe nënkryetarin e Listës Serbe, Milan Radoiçiç. / Opinion.al
