Vrasja e oficerit të policisë Saimir Hoxha është regjistruar nga disa kamera sigurie të vendosura në zonën e cila është një park natyror.
Gazetari Spartak Koka ka shpjeguar në emisionin “Opinion” dinamikën e ngjarjes.
Policët kanë qëlluar me 8 plumba ndaj makinës me të cilën Aldi Rama është larguar pasi ka vrarë efektivin Saimir Hoxha.
“Dinamika e ngjarjes është saktësuar me anë të videos.
Tre punonjësit e policisë ndalojnë dhe kane konstatuar automjetin. Janë ndërruar rrugës. Nuk ka asnjë lidhje të drejtpërdrejtë mes personave dhe parcelës. Policisë i ka bërë përshtypje përse kjo makinë ka ndaluar. Aldi Rama ndodhet në pjesën e pasme të makinës Polo. Po ta shikoni dy personat, shokët e Aldit kanë dalë nga automjeti, ndërkohë kur i është kërkuar Aldi Ramës të dalë ai ka refuzuar dhe ka thënë: Nuk pranoj të kontrollohem. Janë 8 gëzhoja të qëlluara nga efektivët e policisë ndërsa nga ana e Aldi Ramës është qëlluar 2 herë. Aldi Rama është larguar me makinë.
Dy shokët e tij janë arrestuar dhe nuk kanë bërë rezistencë. Makina Volksvagen është qëlluar me 4 plumba. Duhet sqaruar dhe dëshmia e dy shokëve që kanë deklaruar se janë takuar me Aldi Ramën në orën 9 të mëngjesit. Sipas tyre ishin nisur drejt ishull- Lezhës zonë ku nga të rinjtë pihet lëndë narkotike. Shokët e Aldit janë shprehur se ai ka kërkuar që ata të mos ndalonin sepse ai ishte në arrest shtëpie“, tha Koka./Opinion.al
