Aktualitet

Vrasja e nënkomisarit Hoxha/Çuçi: Lufta me krimin, e vazhdueshme


Bëhu pjesë e Grupit Zyrtar të Opinion.al
>> KËTU <<
               Publikuar në : 14:16 - 28/09/21 |
Opi Nion

Ministri i Brendshëm Bledi Çuçi ka reaguar ditën e sotme për vrasjen e nënkomisarit Saimir Hoxha.

Nëpërmjet një deklarate, Çuçi thekson se Policia e Shtetit po bën gjithçka duhet në një operacion të gjerë për kapjen e autorit dhe se lufta me krimin është e vazhdueshme.

Ndër të tjera Çuçi shprehet se nuk ishte e nevojshme një tjetër humbje në luftën kundër paligjshmërisë.

“I tronditur nga lajmi i kobshëm i vrasjes së oficerit të Policisë së Shtetit në Lezhë, Saimir Hoxha. Nuk ishte dashur që Policia e Shtetit të kishte një tjetër dëshmor në luftën e saj të vazhdueshme me paligjshmërinë. Dora e zezë që shtiu kundër tij do të marrë ndëshkimin më të ashpër sipas ligjit.

Policia e Shtetit po bën gjithçka duhet në një operacion të gjerë për kapjen e autorit. Sado të kërkoj me kujdes fjalët për të shprehur ngushëllim për familjen Hoxha, zor se mund të gjej të atë të duhurën për të zbutur sadopak peshën e rëndë të këtij akti kriminal. Kurajo dhe forcë brenda vetes! Lufta me krimin është e vazhdueshme dhe kurrsesi që ne nuk do të dorëzohemi përballë askujt. Kurrë!”-shprehet Çuçi.

Kujtojmë se ditën e sotme në Lezhë  u vra me armë zjarri efektivi i policisë Saimir Hoxha. Aktualisht forcat e Policisë, janë duke ushtruar kontrolle nga toka dhe ajri për kapjen e 21-vjeçarit, Aldi Rama, autor i dyshuar i ngjarjes së rëndë./Opinion.al

Pas