Behgjet Pacolli ka reaguar përsëri lidhur me vrasjen e Liridona Ademaj, me porosi të bashkëshortit të saj Naim Murseli. Ky i fundit ka qenë dhe person i afërt me Pacollin, gjë e cila ka nxitur dhe reagimin e tij.
Pacolli nëpërmjet një postimi në rrjetet sociale ka kritikuar mediat dhe gazetarët që japin informacion të pasaktë lidhur me ngjarjen e rëndë.
Ai thotë se mediat apo gazetarët që përdorin studiot televizive për të dhënë skenarë të pasakët duhet të përballen me drejtësinë.
“Jam shumë i zhgënjyer nga fakti që disa njerëz të pa skrupull, pa asnjë respekt për tragjedinë e ditëve të fundit, për viktimen dhe njerëz tjerë qe nuk kanë lidheshmeri me ngjarjen, imponohen në televizion dhe media të ndryshme ku rrëfejnë, hamendësojnë, gënjejnë dhe shpikin skenarë, thjesht për të thënë diçka. Kështu, këta njerëz faqezinjë përmes ekranit dhe platformave mediatike mundohen të ngatërrojnë publikun me gënjeshtra të pakuptimta, duke krijuar narrativa të shpikura për njerëzit (që nuk kanë asnjë lidhje me rastin). Këta njerëz u shkaktuar dhembje, atyre, fëmijëve dhe familjeve të tyre. Këta duhet të përgjigjen para drejtësisë!”,-shkruan Pacolli.
Numri i personave të arrestuar për vrasjen e Liridonës ka shkuar në katër, përfshirë dhe burrin e saj Naim Murseli, i cili është personi që organizoi skenarin për ekzekutimin e saj./Opinion.al
