Ndaj aktorit Alec Baldwin është ngritur zyrtarisht akuza për ngjarjen e rëndë të ndodhur gjatë xhirimeve të filmit “Rust”, ku si pasojë e të shtënave me armë zjarri la të vdekur kineasten Halyna Hutchins dhe plagosi regjisorin.
Në padinë kundër aktorit, thuhet se në skenarin e filmit nuk ka pasur kërkesë për të shtëna me armë zjarri.
Ka qenë autorja e skenarit Mamie Mitchell, e cila e ka telefonuar policinë, pas të shtënave në skenën e filmit në Nju Meksiko dhe ka qenë personi që ka dorëzuar padinë.
Avokati i saj ka akuzuar aktorin se ka shtënë me armë, pa e kontrolluar paraprakisht atë.
“Paditësja ishte e tmerruar dhe kishte frikë për jetën e saj. Të shtënat me armë zjarri bëri që paditësja të përjetonte dhimbje në veshë dhe kokën e saj. Po ashtu, ishte dëshmitare e tmerrit të asaj që kishte ndodhur”, thuhet në padi.
Punëtorja që ka qenë përgjegjëse për armët në film, është shprehur se nuk e di si është përfshirë municioni në xhirime të filmit. Gjithsesi autoritetet janë ende duke hetuar incidentin e 21 tetorit.
