Detaje të reja kanë dalë nga vrasja e sotme që ka tronditur qytetin e Rrëshenit.
Policia ka gjetur një armë zjarri snajper pranë një pallati dhe dyshon se ajo është arma e përdorur nga autorët për vrasjen Kastriot Reçit.
Dyshohet se në ekzekutimin e tij kanë marrë pjesë dy persona të cilët e kanë ndjekur dhe më pas njëri e ka qëlluar me snajper Reçin duke e lënë të vdekur në vend.
Në vendin e ngjarjes është gjetur vetëm një plumb.
Kastriot Reçi dyshohet se është vrarë për shkak të hakmarrjes. Dy vite më parë në Itali është vrarë vëllai i tij, ngjarje e cila dyshohet gjithashtu se ka ndodhur për hakmarrje.
Lexo edhe: Hakmarrja disavjeçare mes fiseve që i mori jetën pronarit të televizionit
Policia ndërkohë ka ngritur postblloqe dhe është duke u përpjekur të identifikojë autorët të cilët janë larguar në drejtim të paditur. /Opinion.al
