Policia ka dhënë informacion zyrtar lidhur me vrasjen e Ardian Nikulaj, kandidat për anëtar të Këshillit Bashkiak në zgjedhjet lokale të 14 majit.
Sipas uniformave blu ngjarja ka ndodhur rreth orës 13:30, në rrethana ende të paqarta, në ambientet e lokalit të 50-vjeçarit.
Aktualisht janë ngritur pika kontrolli dhe është rrethuar zona ku vijojnë kontrollet për kapjen e autorit/ve.
“Rreth orës 13:30, në rrethana ende të paqarta, është vrarë me armë zjarri, në ambientet e lokalit të tij, shtetasi A. N. 50 vjeç, banues në Shëngjin.
Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe është rrethuar zona ku vijojnë kontrollet për kapjen e autorit/ve.
Grupi hetimor, në drejtimin e Prokurorisë, vijon punën për zbardhjen dhe dokumentin e plotë të ngjarjes”-njofton policia.
