Prokuroria e Lezhës ka kërkuar dënimin me 20 vite burg për Redion Hysën, i cili akuzohet për vrasjen e efektivit të FNSH, Xhulio Prela.
Hysa u dyshua për ngjarjen pas gjetjes së një arme pistoletë të fshehur në një depozitë uji në tarracën e banesës së tij.
Në armën pistoletë nuk janë gjetur gjurmë gishtërinjsh, por ekspertiza balistike provoi se me të është kryer qitje në vendin ku u vra ish-efektivi Prela.
Ndërkaq, Hysa ka mohuar se është ai autor i ngjarjes. Ai ka pohuar se nuk ka dijeni se si ka përfunduar arma pistoletë pranë banesës së tij.
Vrasja e efektivit të FNSH, Xhulio Prela ka ndodhur në Dhjetor 2020 në Gajush të Lezhës.
