Kronikë

Vrasja e ish-deputetit/Kelmendi:Kam shok djalin e tij.Kola:Natën e krimit isha…


Bëhu pjesë e Grupit Zyrtar të Opinion.al
>> KËTU <<
               Publikuar në : 16:23 - 04/12/21 |
Opi Nion

Dy autorët e dyshuar të vrasjes së ish-deputetit Pashko Ujka kanë dalë sot para Gjykatës, ku janë njohur me masën e sigurisë.

Sipas news 24, Kristjan Kelmendi mësohet të ketë thënë para trupit gjykues se babai i tij ka pasur një miqësi me viktimën dhe se me djalin e tij kanë qenë në shkollë bashkë.

I riu tha se së bashku me Mirjan Kolën kanë qenë në Kosovë dhe rrugës në kthim janë arrestuar.

Kristjan Kelmendi gjithashtu ka treguar për një konflikt që ka patur ish-deputeti Pashko Ujka me babain e tij lidhur me shitjen e një banese 11 vite më parë.

“Babai im ka patur një bisede me Pashkon sepse është shok me të. Edhe une djalin e Pashkos e kam shok sepse kemi qenë në shkolle bashkë. Po ashtu babai im dhe Pashko kanë qenë shokë. Pashko i ka thënë babait që ti japë paratë e shtëpisë që na e kane shitur 11 vite me parë. Behej fjale për një shumë qe në atë kohë Pashko ka thënë që nuk i dua. Babai i ka thënë se është bisedë e mbyllur ajo dhe unë di që nuk kemi patur ndonjë problem për atë bisede dhe familja ime ka vijuar qe te qëndrojë ne atë shtëpi. Une para pak kohesh desha te iki nga Italia ne Angli për një jete me te mire por me kapen dhe me kthyen ne Shqipëri ne tentative për te ikur drejt Anglisë. Kur erdha u takova rastësisht me Marjanin i cili me tha se do shkonte ne Kosove për te blere rroba. Une i thashë po vij sepse kisha babain ne Kosove dhe doja ta takoja. Kemi ikur me 28 nëntor ne Kosove dhe me 29 nentor po ashtu kemi qene atje. Pra natën kur është bere vrasja me 29 nëntor unë dhe Marjani kemi qene ne Kosove. Ne atë orar kemi qene ne market duke blere rroba dhe me pas jemi futur ne një poligon qitjeje atje për qejf. Duke u kthyer drejt Shqipërisë na kane arrestuar”- tha ai.

Sakaq,  Marjan Kola, personi tjetër i dyshuar për vrasjen, përpara togave të zeza është shprehur se nuk ka asnjë lidhje me ekzekutimin e ish-deputetit.

“Nuk kam asnje lidhje me vrasjen. Babain e Kristjanit e kam shok. U takuam rastësisht dhe ikëm bashke drejt Kosovës meqë unë doja te blija rroba dhe Kristjani donte te takonte babain. Natën e 29 nëntorit kur është bere vrasja unë kam qene ne Kosove bashke me Kristjanin dhe nuk kam patur asnjë dijeni as për vrasjen as për asgjë tjetër. Me 30 kemi nëntor qene duke u kthyer drejt Shqipërisë dhe vetëm kur na arrestuan”- tha ai.

Arrestimi i Kristjan Kelmendit dhe Marjan Kolës është bere kur kane qene duke u kthyer nga Kosova ne Shqipëri. Me 28 dhe 29 nëntor kalimi drejt Kosovës ka qene i lire por edhe nga Kosova drejt Shqipërisë pa regjistrime për shkak te festave te Pavarësisë dhe Çlirimit.  Avokatet mbrojtës Agim Martini dhe Ardjan Brunga kane kërkuar qe te merren kamerat e sigurisë te doganës ne Morine, kamerat e sigurisë tek poligoni i qitjes sepse pretendohet se përkon me orarin kur është bere vrasja si dhe kane kërkuar qe makina me te cilën kane qene duke u kthyer nga Kosova ne Shqipëri te hapet sepse pala mbrojtëse pretendon se brenda janë rrobat qe kane blere ne Kosove bashke me faturat përkatëse.

Ndërkohë, Gjykata e Shkodrës ka dhënë masën e sigurisë arrest me burg me afat 30 ditor, për dy të akuzuarit.

 

Pas