Presidenti Ilir Meta ka thirrur sot Këshillin e Lartë të Drejtësisë në të parën mbledhje si drejtues i shtetit. Në rendin e ditës është dhuna në familje, marr shkas edhe nga vrasja e gjyqtares Fildez Hafizi. Një nga çështjet në diskutim do të jetë raporti lidhur me vendimin e gjykatës së Kavajës, e cila dënoi me 3 vjet burg, burrin dhe vrasësin e gjyqtares. Në diskutim do të jetë edhe vendimi i gjykatës së Tiranës për urdhrin e mbrojtjes të kërkuar nga gjyqtarja pas dhunës së përsëritur nga ish-bashkëshorti.
KLD do të trajtojë edhe disa raste të ngjashme, do të hetojë vendimin e gjykatave lidhur me dhunën në familje. Në fund do të trajtohet plotësimi i vendeve të mbetura vakante në gjykatat e Shqipërisë.
