Artan Hoxha ka folur mbi vrasjen e 47-vjeçarit, Guxim Gjyriçi në Tropojë. Sipas Hoxhës kjo vrasje mund të nxisë një valë të re ekzekutimesh.
Hoxha shton se Guxim Gjyriçi nuk kishte probleme të vetat dhe nuk ruhej por është vëllai i Agron Gjyriçit, shokut të ngushtë të Fatmir Haklajt. Sipas gazetarit edhe vrasja e tij ka ardhur si një shpagim për mungesë të Agronit, i cili ndodhet në Amerikë.
“Agroni ka qenë në zyrën e pasaportave gjatë kohës kur Fatmir Haklaj drejtonte komisariatin e Tropojës. Agroni nuk ka qenë i përfshirë tek seriali i vrasjeve në Tropojë. Ka një lokal aty ku ka ndodhur ngjarja, banesa e viktimës së mbrëmshme ndodhet shumë afër ngjarjes. Janë fis i njohur dhe kjo ka bërë që të mos përziheshin. Viktima e mbrëmshme është një njeri që nuk përfshihej. Agroni, i vëllai i tij, krijoi një biznes, ka ndërtuar postën e Bajram Currit, ka ndërtuar vepra arti të vogla, ka patur pastrimin e qytetit deri më tani. Agroni vazhdoi të jetonte si normalisht, jo si pjesa tjetër që fshiheshin.” tha Hoxha.
Hoxha tha gjithashtu se kemi të bëjmë me një vrasje me pagesë.
“Dallimi i kësaj vrasje me ngjarje të tjera është pikërisht ky fakt, që të dhënat e para të çojnë që kjo është një vrasje jo me motive të çastit jo për një zënkë. Të gjitha elementët e parë të ngarjes, të lënë të kuptosh që kemi të bëjmë me një vrasje të organizuar, dhe jo thjeshtë e organizuar por dyshime të mëdha kemi të bëjmë me vrasës me pagesë. Kjo vjen për shkak të personalitetit të viktimës. Une e kam njohur personalisht viktimën, kam qenë disa herë në banesën e tij kur babai i tij jetonte, dhe vëllai i tij, Agroni ishte akoma këtu. Dyshimet e mëdha në të gjithë opinionin, dyshimet e para janë që viktima është një lloj shpagimi për mungesën e vëllait të tij që është në Amerikë. Kam lexuar në portale që është djali i tezes së Fatmir Haklajt. Nuk ka lidhje të tillë direkte, nuk është djali i tezes së Fatmir Haklajt, por ata kanë një lidhje fare fisnore. Por lidhja që ka pasur vëllai i të ndjerit me Fatmir Haklajn është më shumë se kushërinj, Agron Gjurici ka qenë shok me Fatmir Haklajn. Gjurici ka qenë shef i zyrës së pasaporteve. Vëllezërit Gjurici nuk ka qenë të përfshirë. Pra ajo që thuhet sot për ta lidhur me serialin e Haklajkve, Guximi nuk ka lidhje direkte, por vëllai i tij ka qenë shumë mik i tyre”, tha Hoxha në Abc News.
Artan Hoxha ka deklaruar gjithashtu se vrasja në Tropojë ka pas një mesazh.
“Aty kalonte gjithë dynjaja, autorët e kanë qëlluar nga makina.Dyshimet janë që kemi të bëjmë me tre autorë. Ai është qëlluar me breshëri, njerëzit që kanë arritur të parët e kanë gjetur të gjallë, por sa ka mbërritur në spital ka humbur jetën. Ka vetëm dy mundësi per tu larguar autoret. Nga Bajram Curri mund të largohesh ose nga Hasi ose nga Fierza, por kjo e dyta është më e gjatë, dhe drejt Hasit është rrugë më e mirë. Mua më duket pak e çuditshme që nuk arrin një drejtori si ajo e Kukësit që të mos bllokojë dy rrugë. Ti ke të gjitha mundësitë që ta bllokosh këtë rrugë. Mënyra si është kryer ngjarja, personazhi që është goditur janë të gjithë elemnetë që kjo është një vrasje me mesazh brenda, dhe unë këto kam frikë.
Jo unë por të gjithë qytetarët nga Tropoja që kam folur sot të gjithë më kanë shprehur këtë gjë, frikën që mos fillojë një serial. Ai ka lënë tre fëmijë, vëllai i vet ka tre fëmijë, fisi, ku fillojnë histori të tilla nuk i dihet se si mund të shkojë, sidomos malësia që ka rrethana. Dhe në rastin konkret, për mua viktima e mbrëmshme nuk ka qenë objektivi, ai ka qenë mesazhi për të shkuar tek të tjerët. Ky nuk ruhej, se ata tjerët kanë ikur. Dyshohet se janë vrasës me pagesë. Urdhëruesi nuk jeton në Tropojë”, tha Hoxha./Opinion.al
