Fildes Hafizi humbi jetën pasi ish-bashkëshorti i saj abuziv e qelloi me armë 4 ditë më parë në makinën e saj. Pavarësisht urdhërit të mbrojtjes, dhe arrestimit të tij, asgjë nuk mjaftoi për ta ndalur Fadil Kasemin t’i merrte jetën nënës së dy fëmijëve të tij. Nisur nga kjo ngjarje, policia e shtetit duket se është vënë në lëvizje për të bërë arrestimin e bashkëshortëve të akuzuar për dhunë në familje. Policia ka vënë në pranga 2 shtetas për veprën penale të “Dhunë në familje”.
Ata janë shtetasit:
– Qani Muça, 50 vjeç, banues në Tiranë, pasi në banesë ka ushtruar dhunë fizike dhe psikologjike ndaj bashkëshortes, shtetases S.M., 44 vjeçe dhe vajzës së mitur, shtetases G.M., 11 vjeçe.
– Antonio Hyseni, 35 vjeç, banues në Kavajë, pasi ka ushtruar dhunë fizike ndaj bashkëshortes, shtetases U.H., 29 vjeçe, e cila është e pajisur me urdhërmbrojtje të menjëhershëm nga Gjykata e Rrethit Gjyqësor Kavajë.
Materialet u referuan në Prokurorinë e Rrethit Gjyqësor Tiranë në ngarkim të shtetasit Qani Muça për veprën penale “Dhunë në familje”, neni 130/a Kodit Penal, ndërsa për shtetasin Antonio Hyseni për veprat penale “Dhunë në familje” dhe “Kundërshtim i Vendimit të Gjykatës”, neni 130/a dhe 321 i Kodit Penal.
