Rajoni

Vrasja e gazetarit investigativ Kuciak, ish-ushtari pranon krimin


               Publikuar në : 10:34 - 14/01/20 |
el ida

Dy vite pas vrasjes së gazetarit investigativ sllovak, Jan Kuciak dhe të dashurës së tij, Martina Kusnirova, 37-vjeçari, Miroslav Marcek ka pranuar krimin.

Marcek pranoi fajin në Gjykatën Speciale Penale në Pezinok, duke synuar që t’i shmanget dënimit me vdekje.

Ish-ushtari tha se kishte trokitur në shtëpinë e gazetarit në shkurt të vitit 2018 dhe sapo ai kishte hapur derën e kishte qëlluar në kraharor. Më pas ai kishte vënë re që në shtëpi ndodhej edhe e dashura e tij, ndaj e kishte vrarë në kuzhinë teksa ajo përpiqej të largohej.

Përpos Marcek të akuzuar si urdhëruesit e vrasjes janë edhe Marian Kocner dhe Alena Zsuzsuova. I akuzuari kryesor në proces, 56-vjeçari Kocner mohoi përfshirjen në krim ndërsa Prokuroria e akuzon se ka porositur vrasjen e gazetarit, pasi përpjekjet e tij për t’i bërë presion që të hiqte dorë nga investigimet kishin dështuar.

Kujtojmë se Jan Kuciak dhe Martina Kusnirova u vranë më 21 shkurt 2018 në shtëpinë e tyre në fshatin perëndimor të Sllovakisë, Velka Maca.

Përgjatë karrierës së tij gazetari kishte hulumtuar për lidhjet e politikës me biznese jo transparente ndërsa një reportazhi i transmetuar pas vdekjes së tij që fliste për lidhjet e mundshme të klaneve të mafies italiane me punonjës të qeverisë sllovake shkaktoi protesta masive kundër korrupsionit.

Si rrjedhojë kryeministri Robert Fico, shumë ministra si dhe drejtuesi i policisë dhanë dorëhejen./Opinion.al

Pas