Presidenti Donald Trump ka filluar të hasë problemet e para në lidhje me fushatën zgjedhore që pritet të nisë në muajt e ardhshëm.
Sondazhet e fundit të CNN tregojnë se mbështetja për Donald Trump ka rënë ndjeshëm pas vrasjes së George Floyd dhe për shkak të mënyrës se si ai ka përballuar situatën e krijuar nga koronavirusi në Shtetet e Bashkuara.
Ato tregojnë se miliarderi që synon të fitojë një mandat të dytë në krye të Shtëpisë së Bardhë, është 14 pikë pas rivalit të tij demokrat në garë, Joe Biden.
Në kohën kur protesta për vrasjen e George Floyd ka ndezur Amerikën, Biden merr mbështetjen e 55% të të pyeturve ndërsa Trump 41%, shifër kjo më e ulëta e regjistruar ndonjëherë për miliarderin. Në total, 33% e të pyeturve e mbështesin mënyrën sesi Trump po e menaxhon presidencën, ndërsa 57% jo./Opinion.al
