Policia ka ndaluar një person të dyshuar për vrasjen e 48-vjeçarit, Flamur Duçi në fshatin Mborje të Korçës.
Policia bën të ditur se ka rënën në pranga 18-vjeçari me iniciale D.H banues në fshatin Mborje, i dënuar më parë për veprën penale “Plagosja e rëndë me dashje”.
“Prokuroria e Rrethit Gjyqësor Korçë, bazuar në hetimet e kryera në lidhje me ngjarjen e mësipërme, ka urdhëruar ndalimin e këtij shtetasi pasi dyshohet se ka konsumuar elementë të veprës penale “Vrasja me dashje. Vijojnë hetimet për sqarimin e mëtejshëm, dhe zbardhjen e plotë të rrethanave të ngjarjes.”, njofton policia.
Flamur Duçi, u gjet i vrarë pranë lokalit të tij në fshatin Mborje të Korçës. Ai u gjet me plagë thike afër zemrës gjithashtu me plagë që dyshohet të jenë shkaktuar edhe nga lëndë djegëse (benzinë). /Opinion.al
