Të tjera detaje vijojnë të zbardhen nga ngjarja e rëndë e ndodhur pas mesnatës në Sukth të Durrësit, ku mbeti i vrarë 38-vjeçari, Fatjon Dervishi.
Mësohet se vëllai i Dervishit, Fatbardh Dervishi në janar të vitit 2022 ka plagosur me pistoletë të dashurën në një hotel në Durrës.
Dy të rinjtë ishin të dashur. Ata kanë qenë në hotel së bashku, por Dervishit në gjendje të dehur i është shkrepur aksidentalisht pistoleta dhe e dashura e tij u plagos në shpatull.
I riu u largua menjëherë nga vendi i ngjarjes duke u shpallur në kërkim ndërsa stafi i hotelit njoftoi policinë për ngjarjen.
Ndërkohë, aktualisht Fatbardh Dervishi ndodhet i arrestuar në Spanjë. Sipas autoriteteve iberike përveçse e konsiderojnë shumë të rrezikshëm, ai është drejtuesi i një grupi kriminal që maskohej me uniforma policie dhe kryente grabitje të shtëpive që shërbenin si magazina droge.
Ai u arrestua nën akuzën e vjedhjes së automjeteve, falsifikim dokumentesh, armëmbajtje pa leje, trafik droge, grup kriminal.
Raportohet se një nga pistat ku po heton policia është pikërisht përfshirja e vëllait të viktimës në ngjarje kriminale./Opinion.al
