Teksa autoritetet vijojnë hetimet për dokumentimin e plotë të vrasjes së Eglantinca Bucit, xhaxhai i saj Bashkim Buci, ka kërkuar eshtrat e saj që t’i bëjë varrimin.
Xhaxhai ka shkuar në policinë e Tiranës dhe ka kërkuar që t’ japin eshtrat e mbesës, por nuk i janë dhënë pasi ende vijojnë hetimet për zbardhjen e vrasjes. Pritet urdhri i prokurorit, pas dorëzimit të kërkesës së Bashkimit.
Vrasja e 23 vjeçares është zbardhur pas 8 vitesh, pasi eshtrat e saj u gjetën rastësisht nga një gjahtar. Ka qenë dëshmitari i kësaj vrasje makabre ai që ka treguar gjithçka, se si babai dhe vëllai, Faik dhe Shkëlzen Buci i ngritën kurth të resë, pasi nuk ishin dakord për bashkëjetesën e saj me një djalë por edhe për jetesën që ajo bënte.
Për këtë arsye, vëllai i saj Shkëlzen Buci e ka ekzekutuar me armë zjarri dhe trupin e saj e fshehu në Malin me Gropa. Sipas hetimeve, vrasjen e Eglantinca Bucit e organizoi babai i saj Faik Buci./ Opinion.al
