Kronikë

Vrasja e efektivit/ Vjehrri i autorit të dyshuar: Ka qenë në shtëpinë time


Bëhu pjesë e Grupit Zyrtar të Opinion.al
>> KËTU <<
               Publikuar në : 09:30 - 22/12/20 |
Opi Nion

Ka folur për mediat vjehrri i Nikoll Sherrnikut, i dyshuar si personi që ka vrarë efektivin e FNSH-së, Xhulio Prela. Sherrnikut është vetëdorëzuar në polici duke pretenduar pafajësinë e tij, ndërsa ka mohuar çdo gjë që mund a lidhi atë me ngjarjen e rëndë.

Astrit Gjoka, vjehrri i Sherrnikut ka deklaruar se natën që ka ndodhur ngjarja, Sherrniku ka qenë në shtëpinë e tij. Më tej, i vjehrri shton se sipas tij, Sherrniku është arrestuar pa asnjë lloj fakti dhe se personin tjetër që është shpallur në kërkim nuk e njeh.

“Nikolla është i fejuari i vajzës time dhe ka katër vite që është fejuar me të. Për akuzën që ngrihet ndaj tij deklaroj me bindje të plotë se atë natë ka qenë në shtpëinë time edhe është ngritur në 9 të mëngjesit dhe ka shkuar në shtëpi se me datën  5 kishte ditëlindjen. Jemi organizuar si familjar dhe kemi shku në shtëpinë e tij. Natën e ngjarjes ka qenë në shtëpinë time. Ai ka nejt ca kohë në itali ku ka punu si mekanik, më pas ka ardhur këtu dhe është marrë duke rregullu ndonjë gjë. Në dijeninë time ai ska lidhje ka qenë në shtëpinë time. Kët e kam deklaru dhe në polici. Me datën 4 ka qenë në shtëpinë time, në mëngjes më datën 5 ka shkuar në shtëpinë e tij. Kjo mund të faktohet krej rehat. Ka në sisteme se ai ska pasur mjet në shtëpinë e tij. Unë se njof personin tjetër dhe as ai. Se kam pasur problemet e mia. Bile dhe e kam ndihmuar për kushtet e vështira që ka pasur. Unë e kam ndihmuar. Është njeri hallexhi, mos hyni në akuza të pa baza.  Është arrestu pa asnjë lloj fakti. Në dijeninë time se di që është shpallur në kërkim njëherë“,-tha Gjoka.

Xhulio Prela u ekzekutua në orët e para të mëngjesit të datës 5 dhjetor  teksa po kthehej nga Shkodra për në Tiranë. 26-vjeçari është nisur nga Tirana për në aeroportin e Rinasit në orën 01:00 të natës për të marrë një mikun e tij e për ta dërguar drejt fshatit Kosmaç në Shkodër.

Pasi e dërgoi mikun e tij në Shkodër, gjatë kthimit efektivi i policisë ka parë një automjet, dhe një person që kishte dalë nga makina, po ia bënte me drita me një elektrik dore dhe Prela është kthyer mbrapsht.

Ai  i është afruar personin që ia ka bërë me dritë. Ka ulur xhamin dhe ka parë një individ, që sipas policisë, ka shumë gjasa që ta ketë njohur. Punonjësi i policisë ka tentuar të largohet me shpejtësi, ndërkohë është përballur me të shtënat e armës, një pistoletë tip TT që kishte agresori. Lidhur me këtë ngjarje është shpallur në kërkim dhe Brilant Martinaj i cili rezulton se pak ditë pas ngjarjes është larguar drejt Turqisë. / Opinion.al

Pas