RENEA ka hedhur gaz lotsjellës në shtëpinë e autorit që vrau një efektiv të FNSH-së paraditën e sotme.
Nga të dhënat e para pritet nga momenti në moment ndërhyrja e tyre. Ndërkaq, bëhet me dije se David Qosja po vazhdon ende të qëllojë mbi policinë.
Nëse situata vazhdon të jetë e tillë, me shumë gjasa, Qosja mund të qëllohet nga snajperat e RENEA-s të cilët janë të pozicionuar në pika kyçe për të neutralizuar një rrezik tjetër të mundshëm.
Autori i krimit, David Qosja, njihet si një person me probleme mendore. Ai ka vrarë, efektivin e FNSH-së në Shkodër, Adrian Kodra i cili humbi jetën si pasojë e plagëve të marra teksa dërgohej për spital.
