Nisin hetimet në vendin ku dje humbi jetën efektivi i FNSH, Ardian Kodra. Mëngjesin e sotëm, ekspertë të policisë dhe prokurorisë janë rikthyer në Torovicë të Lezhës, në vendin ku dje mbeti i vdekur nga shkëmbimi i zjarrit 50 vjeçari.
Burime për “Panorama” bëjnë me dije se skena e ngjarjes është ruajtur dhe aty ekspertët do të bëjnë gjithë hetimet e nevojshme për të nxjerrë dinamikën e ngjarjes.
Në vend është edhe automjeti i forcave të ndërhyrjes së shpejtë, ku ishte edhe babai i dy fëmijëve, i cili humbi jetën në detyrë.
Adrian Kodra humbi jetën nga shkëmbimi i zjarrit me David Qosja, i cili njihej si i sëmurë mendor. Policia do e neutralizonte, pasi ai po terrorizonte banorët duke qëlluar me armë në ajër.
Ekspertët e hetimit do të mbledhin prova për të vërtetuar kronologjinë e ngjarjes së 2 shtatorit 2016.
