Këta janë Gramos Kurtaj dhe Lavdimir Kurtaj (xhaxha e nip), të cilët mbetën të vrarë me armë zjarri këtë të martë në Roskovec të Fierit.
Sa i përket autorit të dyshuar, ai është Altin Kuka. 49-vjeçari u arrestua nga policia, e cila sekuestroi po ashtu automatikun me të cilin Kuka kreu krimin e rëndë.
Ngjarja e rëndë ndodhi rreth orës 14:00 në fshatin Kurjan.
“Rreth orës 14:00, në fshatin Kurjan, Roskovec, në rrethana ende të paqarta, shtetasi Altin Kuka, 49 vjeç, dyshohet se ka vrarë me armë zjarri, shtetasit Lavdimir Kurtaj dhe Gramos Kurtaj Shërbimet e Policisë po shoqërojnë në Komisariat, autorin e dyshuar të ngjarjes, shtetasin Altin Kuka. Gjithashtu, shërbimet e Policisë kanë sekuestruar armën e dyshuar të krimit (armë zjarri automatike)”, njofton policia.
Grupi hetimor po punon për sqarimin e plotë të rrethanave dhe dokumentimin ligjor të kësaj ngjarjeje.
