Të tjera detaje janë zbardhur nga ngjarja e rëndë e regjistruar një ditë më parë në Maliq, ku u ekzekutuan me armë zjarri dy vëllezërit Andrea dhe Martin Olldashi, përkatësisht të moshës 33 vjeç dhe 31 vjeç.
Sipas informacioneve, në vendin e ngjarjes ku u gjetën trupat e pajetë të dy vëllezërve janë gjetur gëzhoja, ndërsa viktimat kanë qëlluar me plumb në kokë dhe gjoks.
Mësohet se ka qenë një telefonatë që ka nxjerrë nga shtëpia në Pogradec dy vëllezërit në datën 7 dhjetor, datë që korrespondon dhe me ditën që kur ata nuk kanë humbur kontaktet dhe nuk janë kthyer më në banesë.
Dyshohet se vëllezërit janë marrë në një makinë më 7 dhjetor pasi kanë dalë nga shtëpia me të cilën kanë udhëtuar deri tek vendi i ngjarjes në fshatin Zvirinë të Maliqit, aty ku mendohet se dhe janë ekzekutuar.
Lidhur me këtë ngjarje janë shoqëruar 15 persona, shokë të afërt të viktimave të cilët kanë deklaruar se nuk kanë asnjë dijeni për ngjarjen. Ata janë shprehur se një ditë para zhdukjes kanë kosumuar kafe me njërin prej viktimave.
Hetimet tashmë janë përqendruar tek pista e larjes së hesapeve pasi viktimat ishin me precedentë penalë, vjedhje dhe shpërndarje të lëndëve narkotike. Në vitin 2012 ata janë akuzuar për vendosjen e tritolit në lokalin e Gjergji Lekës./ Opinion.al
