DURRËS- Nuk ka ende asnjë autor të dyshuar për vrasjen e dyfishtë mbrëmë në Durrës. Janë dy pista ku po heton aktualisht policia dhe prokuroria: Hakmarrja dhe prishja e pazarave të drogës. Për këtë drejtim po shihet për të shkaurën e dy viktimave.
Ervin Kodra, 33 vjeç, nga Durrësi, dhe Endri Çaushaj, nga Vlora, 25 vjeç u ekzekutuan në një atentat mafioz mbrëmë në shëtitoren taulantia në Durrës. Ata udhëtonin me një “BMË X6”, me targë AA292IH kur u qëlluan nga një makinë tjetër me breshëri automatiku.
Kodra, i cili u vra me breshëri armësh, rezulton autor i një atentati të ndodhur disa vite më parë po në Durrës, ku mbeti i vrarë Saimir Balla. Kodra asokohe u arrestua bashkë me dy persona të tjerë.
Në këtë ngjarje ndaj tij rëndoi akuza e “përkrahjes së autorit të krimit”, ndërkohë që ishte i dënuar më parë për vepra të ndryshme penale.
