Presidenti i Shteteve të Bashkuara të Amerikës, Donald Trump ka reaguar pas vrasjes së dy punonjësve të ambasadës së Izraelit në Washington.
Dy personat u qëlluan me armë zjarri në Washington D.C pas një eventi në një muze hebraik.
Përmes një postimi në rrjete sociale, Trump thotë se vrasjet bazohen qartazi mbi antisemitizmin dhe duhet të ndalen.
Sipas tij, urrejtja dhe radikalizimi nuk kanë vend në SHBA.
“Këto vrasje të tmerrshme në Washington D.C, që qartazi bazohen mbi antisemitizmin, duhet të ndalen menjëherë! Urrejtja dhe radikalizimi nuk kanë vend në SHBA. Ngushëllime familjeve të viktimave. E trishtueshme që gjëra të tilla mund të ndodhin”, shkroi Trump.
