Dy ditë pas vrasjes së dy kushërinjve në Laç, janë vetëdorëzur të tre autorët e dyshuar. Fillimisht u vetëdorëzuan 25-vjeçari Markel Bushi dhe Vinçens Bushi.
Policia ka negociuar me familjarët e autorëve të dyshuar që ata të dorëzoheshin, ndërsa dyshohet se krimi ndodhi pas një sherri për motive banale.
Kelvin Dodaj (Jushi), 30 vjeç dhe Erjon Jushi, 36 vjeç u vranë të dielën në mbrëmje në një lokal, afër me komisariatin e policisë.
Autori i tretë i dyshuar, që u dorêzua disa orë më vonë, 23-vjeçari Manuel Bushi është konfliktuar me kushërinjtë Jushi.
Më pas ai ka marrë në telefon të vëllain, Markel Bushi 25 vjeç dhe kushëririn Vinçens Bushi 28 vjeç.
Por kush është Markel Bushi? Në vitin 2012 ai së bashku me shokun e tij, Daniel Shyti vodhën disa vajza që po shkonin në Kishën e Laçit dhe njërën prej tyre e qëlluan me armë. Pas ngjarjes ata u arrestuan. Gjykata e dënoi Danjel Shtyin me 6 vite burgim në vitin 2013. Ndërkohë që Markel Bushi nisi gjykimin e tij në gjykatë duke mos kërkuar as gjykim të shkurtuar, por më pas arriti të arratisej duke u dënuar në mungesë me 9 vite burg.
Prej vitit 2013, ai ndodhej në kërkim nga policia nën akuzën e vjedhjes me armë. Në 21 nëntor të 2017, policia organizoi një operacion për arrestimin e tij, por Markel Bushi qëlloi me armë në drejtim të efektivëve dhe arriti që të humbte gjurmët duke u arratisur./ Opinion.al
