Është arrestuar një person për ekzekutivimin e Devi Kasmit dy netë më parë në Tiranë. Policia dha vetëm inicialet e personit të arrestuar M.M, i cili akuzohet si bashkëpunëtor në vrasje. Sakaq në kërkim është shpallur Domart Konjari që dyshohet të jetë autori kryesor i krimit.
Njoftimi i policisë
Ne vijim te veprimeve te kryera nga grupi i posaçem i ngritur prane Drejtorise Vendore te Policise Tirane ne bashkepunim te ngushte me Prokurorine prane Rrethit Gjyqesor Tirane per zbardhjen e vepres penale “Vrasja me paramendim”, ”Prodhimi dhe mbajtja pa leje e armëve luftarake dhe e municionit” e kryer në bashkëpunim u ndalua shtetasi M.M. i dyshuar si i perfshire ne vrasjen e shtetasit D.K. Hetimi vijon me intensitet dhe per momentin nuk behen me dije te dhena te tjera.
***
Dëfrim Kasmi apo i quajtur Devi Kasmi është 42-vjeçari që humbi jetën mbrëmjen e hënës në një atentat në rrugën “Kongresi i Manastirit”. Ai dyshohet se ka qenë i përfshirë në trafikun e kokainës në Francë dhe Spanjë. Pista ku po heton policia për vrasjen e tij, është ajo e hakmarrjes për shkak të trafikut të drogës në Evropë. Në kërkim për vrasjen e tij është shpallur Domart Konjari, i dyshuar si ekzekutor, bashkëpunëtor apo porositës i vrasjes. Dëfrim Kasmi dhe Domart Konjari kanë qenë miq të ngushtë me njëri-tjetrin, por për shkak të konflikteve mes tyre ka pasur tentativa për të vrarë njëri-tjetrin.
Historia e Dëfrim Kasmit dhe pseudonimi “fantazma”
Trafiku i drogës dhe historia e vrasjeve kanë rrethuar vazhdimisht 41-vjeçarin Dëfrim Kasmi, i cili u ekzekutua mbrëmjen e së hënës në një atentat mafioz poshtë pallatit të tij në Tiranë.
Ai kishte ndërruar emrin nga Dëfrim në Devi Kasmi për shkak të hasmërive kriminale me Domart Konjarin, i cili është shpallur në kërkim si i dyshuar për atentatin. Dëfrim Kasmi njihej me pseudonimin Dëfrim “qorri”. Ai njihej ndryshe edhe si “fantazma”. Asnjë foto e tij nuk është publike dhe për këtë arsye ai njihej me nofkën “fantazma”, pasi shumë pak persona ia njihnin fytyrën.
Dëfrim Kasmi ka qenë i përfshirë në trafikun e kokainës në Francë dhe në Spanjë. Pista ku po heton policia për vrasjen e tij, është ajo e hakmarrjes për shkak të kontrolleve për territor në Evropë.
Në rrugën “Kongresi i Manastirit”, ku 42-vjeçari u vra nga dy persona me motor, u gjetën edhe dy pistoleta. Armët e zjarrit i përkisnin viktimës, të cilat i mbante gjithmonë me vete pasi ruhej për shkak të konflikteve ku ka qenë i përfshirë. Gjatë kontrollit në banesën e tij në Tiranë, policia gjeti rreth 3 kilogramë kokainë dhe një kallashnikov me silenciator që i përkisnin viktimës.
