TIRANE- Prokuroria e Krimeve të Rënda mësohet se ka marrë mostrat biologjike të Denis Shtrazës për t’i krahasuar me ADNnë e gjurmëve të gjakut që janë gjetur në bagazhin e makinës tip “ML”.
Prokuroria ka thënë se gjaku në fashetat e duarve të viktimës është i njëjtë me atë që është gjetur në bagazhin e makinës tip “ML”. Megjithatë, nga hetimi ka rezultuar se gjurmët në fjalë nuk janë të Gazmend Çollakut dhe për këtë arsye prokuroria ka kërkuar që me anë të ADNsë të përcaktojë nëse gjaku në makinë dhe në duart e viktimës është i Denis Shtrazës apo ndonjë personi tjetër.
Gjithashtu prokuroria ka dërguar për ekspertim nëntë celularët e gjetur në makinën tip “ML”, në të cilën u ndaluan Denis Shtraza e Ervin Dalipaj në Durrës më 6 janar, natën e rrëmbimit të Gazmend Çollakut.
*Ne foto autori i dyshuar Denis Shtraza
