Një 17-vjeçar është arrestuar si autor i dyshuar i vrasjes së shqiptarit Bledar Dedja në Itali.
Ka kaluar pothuajse 1 muaj nga vrasja e 39-vjeçarit, ngjarja e cila tronditi opinionin publik dhe mesa duket po shkon drejt zbardhjes.
39-vjeçari shqiptar që u gjet i masakruar me thikë dhe me pantallona e të brendshme të zhveshura, dyshohet të jetë vrarë nga një 17-vjeçar.
Ai u gjet nga një shok i tij, një ditë pas krimit, me pantallona dhe të brendshme të hequra.
Sipas hetuesve italianë që kanë rindërtuar dinamikën e krimit, 17-vjeçari i dyshuar si autor kishte planifikuar një takim me Bledar Dedjan më 20 Janar dhe më pas takimi mes tyre degjeneroi deri në vrasje.
Ai goditi disa herë me thikë 39-vjeçarin shqiptar duke e lënë të vdekur në vend. Gjatë vrasjes, adoleshenti, identiteti i të cilit nuk dihet, plagosi edhe dorën me thikën e kuzhinës me të cilën kreu krimin.
Më pas mori çelësat e makinës së viktimës dhe e zhveshi duke i hequr rrobat, e la në pyll dhe u largua në këmbë. /Opinion.al
