Prokuroria pritet të çojë në Gjykatë këtë të hënë dosjen për vrasjen e biznesmenit, Ruzhdi Hoxha. Mësohet se organi i akuzës ka kërkuar masën e sigurisë arrest me burg për Fredi Rrushin, autorin e dyshuar të vrasjes së 43-vjeçarit.
Po të njëjtën masë sigurie Prokuroria ka kërkuar edhe për vëllain e tij, Pajtim Rrushin, i cili u arrestua të dielën, pasi pretendohet se ka ndihmuar Fredi Rushin që të fshihte kufomën. Pajtim Rrushi akuzohet si bashkëpunëtor në vrasje dhe dyshohet se ka fshehur makinën që u përdor në krim.
Vëllezërit Rrushi do të dalin para gjykatës për t’u njohur me masën e sigurisë ditën e martë./Opinion.al
