Prokuroria e Tiranës ka ngritur dyshimet për një person të tretë të përfshirë në vrasjen e Hekuran Billës.
Dyshimet janë krijuar si pasojë e përftimit të një gjurme ADN në një nga automjetet e përdorura në vrasjen e Billës.
Në lidhje me këtë material gjenetik prokuroria ka marrë kampione krahasuese nga të dyshuarit e arrestuar Viktor Marku dhe Sebastian Mali, por edhe të një personi të tretë, që aktualisht ndodhet në burgun e Reçit në Shkodër.
A2CNN bën me dije , i dyshuarit mendohet të ketë qenë i lirë në kohën e krimit dhe mund të ketë qenë pjesëmarrës në vrasje. Për këtë shkak, do të bëhet krahasimi i profilit të ADN-së së tij dhe gjurmës së gjetur në automjet.
Kujtojmë se kjo është një ngjarje e ndodhur në qershor 2020 në zonën e Komunës së Parisit në kryeqytet. /Opinion.al
