Prokuroria do të kërkojë 10 vite deri në burgim të përjetshëm për vrasësin e Almirit 4-vjeçar.
Prokuroria Themelore e Kumanovës ka dorëzuar aktakuzën për vrasjen e vogëlushit Almir Aliut më 25 qershor të këtij viti.
Aktakuza ndodhet për vlerësim në Këshillin Penal. Vepra është kualifikuar si vrasje, dhe si e tillë për të parashikohet dënim nga 10 vjet deri në burg të përjetshëm.
Prokuroria Themelore e dorëzoi aktakuzën në 3 ditët e fundit para skadimit të afatit gjashtë mujor. Në rast se aktakuza nuk do ishte hartuar brenda kësaj periudhe, i akuzuari Boban Iliç do të mundej të lirohet nga paraburgimi, për shkak të skadimit të afatit të parashikuar me ligj për paraburgosjen.
Por, nga ana tjetër, Gjykata Themelore e Kumanovës do të presë edhe raportin mjekësor me të cilin do të vërtetohet nëse i akuzuari Boban Iliç ka qenë në gjendje normale psikike dhe fizike gjatë kryerjes së aktit ose jo. Pala mbrojtëse kishte kërkuar hetimin neuropsikiatrik në llogari të të dyshuarit për vrasjen, pasi Boban Iliç ishte mbrojtur gjatë marrjes në pyetje, se në momentin kur ka kryer aktin, nuk ka qenë në gjendje të qetë psiko-fizike. Avokati i Almir Aliut hedh poshtë pretendimet e të akuzuarit Boban Iliç, shkruan Alsat.
“Bazuar në të gjitha dëshmitë materiale, e posaçërisht në video incizimin që doli në publik, vërehet edhe mënyra edhe motivi i kryerjes së aktit jo njerëzor. Aty nuk ka pasur motiv për të shtypë për vdekje vetëm të ndjerin Almir Aliu por edhe prindërit e tij”, tha avokati Asmir Alispahiç.
Almiri i vogël nga Kumanova humbi jetën si pasojë e goditjes me veturë që mori mbrëmjen e 25 qershorit.
Marjan Levanti, ishbashkëshorti i pedagoges Eleni Kocaqi, shtetasi që plagosi dy ditë më parë prindërit dhe vëllain e ish-gruas, ka tentuar mëngjesin e sotëm ti japë fund jetës duke u vetëvarur në qelinë e tij.
Ngjarja mësohet se ka ndodhur ditën e sotme në orët e para të mëngjesit, ku Levanti rreth orës 1:20 ka prerë batanijen dhe ka tentuar ta lidhë atë në hekurat e qelisë për t’u vetëvarur. Por një gardian e ka pikasur dhe e ka ndaluar të ndërmarrë veprimin ekstrem.
Shkak i plagosjes së trefishtë dy netë më parë në Tiranë ku familja Kocaqi u sulmua me thikë nga ish-dhëndëri rezulton se është padia e dozituar në gjykatën e Tiranës ndaj Marjan Levantit, autor i plagosjes tashmë i arrestuar.
Ka qenë pikërisht kjo padi me të cilën Levanti është njohur dhe duke mos pranuar faktin se Eleni Kocaqi (Levanti) i kërkonte divorcin, pagesën e kuotës ekonomike për rritjen e fëmijëve, ai është hakmarrë ndaj familjarëve të saj.
Seanca e parë e divorcit do të mbahet më 17 Janar 2017 në gjykatë
