Familjarët e 8-vjeçarit, Mateos, i cili u vra barbarisht nga fqinji i tij, Klodian Çalamani, po protestojnë para burgut të Vlorës.
38-vjeçari, për të cilin u vendos nga Gjykata e Fierit masa e sigurisë “Arrest me burg”, ndodhet në qelitë e paraburgimit, në burgun e Vlorës. Ndërsa familjarët e Mateos nuk janë dakord për masën e dhënë për Çalamanin, duke kërkuar dënimin me vdekje për të.
Të afërm dhe familjarë, tentojnë të hyjnë forcërisht brenda ambienteve të burgut. Ata kërkojnë që të lirohet autori në mënyrë që të bëjnë vetëgjyqësi.
Përpara dyerve të burgut, është vendosur një kordon policor për të mos lejuar familjarët të hyjnë me forcë brenda ambienteve.
Kujtojmë se që prej ditës kur gjykata vendosi masën e sigurisë për vrasësin e fëmijës 8-vjeçar, familjarët e Mateos nisën një peticion dhe mbledhjen e firmave për rikthimin e dënimit me vdekje./Opinion.al
