Policia ka arrestuar një person për vrasjen e 62-vjeçarit Haxhi Baçinozi mbrëmjen e së shtunës te liqeni i Tiranës. Mësohet se është vënë në pranga Myftar Pasha, i cili është mik me autorin e vrasjes. Pasha akuzohet për moskallëzim krimi. Ndërkohë, vrasësi i dyshuar i Baçinozit është Islam Myrtaj, i cili është ende në kërkim.
62-vjeçari Baçinozi ka qenë duke bërë vrap me djalin e tij të mitur, kur dy persona i kanë dalë para dhe e kanë qëlluar. Sipas burimeve në Policinë e Tiranës, dyshohet se Baçinozi është vrarë për një borxh të pakthyer. Bëhet fjalë për një shumë të konsiderueshme parash, 46 mijë euro./Opinion.al
