“Gjurmët e gjakut të gjetura në shtëpinë e nënës vrasëse Martina Patti janë sjellë nga jashtë dhe për rrjedhojë përjashtohet mundësia që vrasja të ketë ndodhur në shtëpi”. Kështu është shprehur Prokurori Publik i Katanias pas hetimeve të kryera nga policia lidhur me vdekjen e vogëlushes 5-vjeçare Elena në Itali.
Ansa.it shkruan gjithashtu se një veshje e nënës është sekuestruar gjatë një kontrolli në shtëpinë në Mascalucia. Zbulimi përkon me rrëfimin e gruas e cila në deklaratat saj kishte thënë se ishte kthyer në shtëpi për të ndërruar rrobat dhe për t’u larë. Martina u kthye nga vendi i braktisur ku u gjet trupi i vajzës dhe para se të dilte për të inskenuar rrëmbimin e rremë të vajzës së saj në Tremestieri Etneo nga një komando i armatosur.
Në shtëpi u gjet edhe pjesa e pudingut që Martina Patti kishte përgatitur për Elenën, dhe që vogëlushja nuk e përfundoi së ngrëni, pasi u mor nga nëna e saj për të parë një vend ku vajza e vogël nuk kishte shkuar kurrë dhe ishte kurioze ta shihte.
Ky do të ishte edhe vendi ku Elena u vra dhe kufoma u vendos në qese plastike, teksa nëna e vetë e la gjysmë të varrosur. Nga autopsia dolën disa detaje tronditëse, vogëlushja Elena Del Pozzo nuk vdiq menjëherë. Për ta vrarë, nëna e saj e goditi të paktën njëmbëdhjetë herë me thikë.
Arma e vrasjes nuk është gjetur ende megjithë kërkimet e shumta nga Karabinierët e Seksionit të Hetimeve Shkencore (SIS) dhe komandës provinciale të Katanias dhe të Mesinës.
