Vrasja e 5-vjeçares, Elena Del Pozzo në Mascalucia, në Itali ka tronditur mbarë publikun, ndërsa hetuesit vijojnë punën për zbardhjen e rrethanave në të cilat ka ndodhur krimi makabër.
5-vjeçarja u vra nga nëna e saj dhe prokurorët janë fokusuar në disa pika hetimi.
Nëna e 5-vjeçares, Martina Patti, pranoi se e kishte goditur me thikë, por arma e përdorur nuk është gjetur ende. Një nga hipotezat që po shqyrtojnë hetuesit është që gruaja nuk mund ta ketë kryer vetë krimin e rëndë. Për këtë arsye karabinierët po marrin në pyetje miqtë dhe të afërmit për të zbuluar nëse dikush e ka ndihmuar vajzën. Në orët në vijim autopsia e Elenës do të hedhë më tej dritë në hetime.
Mediat italiane shkruajnë gjithashtu se vendi ku u vra Elena Del Pozzo nuk është ende i qartë. Martina Patti thotë se e mori nga shkolla, e çoi në shtëpi për drekë dhe më pas e çoi në fshatin Mascalucia ku e vrau dhe më pas u përpoq të varroste trupin e vogël. Por karabinierët nuk janë të bindur për këtë version.
Një nga hipotezat e hetuesve është se nëna e 5-veçares numd të ketë pasur një bashkëpunëtor, i cili nuk e ka ndihmuar në krim,por në gjithçka që ndodhi më pas. Familja e Martinës është marrë në pyetje disa herë dhe për momentin të gjithë kanë dhënë versione të besueshme për atë që ka ndodhur.
Ajo që duket më e qartë është motivi i vrasjes. Martina, ndërkohë që e donte fëmijën e saj, nuk pranoi që ish-partneri i saj të kishte rindërtuar jetën me një grua tjetër.
Dhe në marrjen në pyetje të para Martina Patti u përpoq t’i hidhte fajin Alessandro Del Pozzo, babait të Elenës. Më pas, një detaj rrëqethës: trupi i Elenës u gjet gjysmë i zhveshur. “Mos ndoshta donte të vinte në skenë edhe dhunë seksuale?”, shkruan Tgcom24.
