Policia ka arrestuar autorin e vrasjes së Altin Alikajt, ngjarje kjo e ndodhur më 19 shkurt në lagjen “24 Maji” në Vlorë.
Policia ka arrestuar 23-vjeçar Shazi Ahmetaj si autorë i vrasjes së 46-vjeçari, I riu është banues në Kolonjë të Lushnjes dhe rezulton me precedent të mëparshëm kriminal në fushën e narkotikëve dhe të vjedhjes.
Në momentin e arrestimit 23-vjeçari i është sekuestruar në cilësinë e provës materiale 40.5 gram lëndë narkotike e dyshuar e llojit heroinë.
Po ashtu, është arrestuar dhe 30-vjeçari Mateo Kapitiu, banues në Kolonjë, Lushnje, për veprën penale “Përkrahja e autorit të krimit”,
Shazi Ahmetaj, dyshohet si autor i vrasjes se shtetasit Altin Alikajt, i cili u gjet pa shenja jete në banesën e tij, ndërsa Mateo Kapitiu dyshohet se ka ndihmuar autorin për t’u fshehur, duke i siguruar një mjet të marrë me qira për lëvizjen e tij.
Vazhdojnë veprimet hetimore për të përcaktuar motivet e këtij krimi të rëndë, si dhe për identifikimin e personave të tjerë, që mund të jenë të implikuar në këtë ngjarje.
Materialet u referuan në Prokurorinë pranë Gjykatës së Shkallës së Parë Vlorë për veprat penale “Vrasje me dashje”, “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikëve” dhe ” Përkrahja e autorit të krimit”.
