Policia e Shkodrës ka shpallur në kërkim Martin Gjinin, si autor të dyshuar të vrasjes së Pjetër Kolës në Pukë.
Policia bëri me dije se orën 18:00 të pasdites së djeshme u paraqit për ndihmë mjekësore në qendrën shëndetësore të Vaut të Dejës, Pjetër Kola, 44-vjeç i cili ishte plagosur me armë zjarri.
Ai është transportuar drejt spitalit të Shkodrës për ndihmë të specializuar mjekësore por nuk ka mundur të mbijetojë për shkak të plagëve.
Shkaqet e vrasjes janë ende të paqarta. Ndërkohë policia vijon punën për zbardhjen e plotë të rrethanave të ngjarjes.
