Detaje të reja janë zbardhur në lidhje me vrasjen e 43-vjeçarit Vladimir Topjana, në Pordenone të Italisë.
Sipas mediave të huaja janë arrestuar si autorë të dyshuar babë e bir, Pren dhe Rogert Shota, 67 dhe 34 vjeç.
Autoritetet bëjnë me dije se arsyeja për të cilën ka nisur debatin ka qenë një çështje e lidhur me pronësinë e një toke në Shqipëri.
Si pasojë e debatit të fortë Topjana i ka kafshuar veshin babait të Rogertit, Prenit. Ky veprim ka sjellë më pas përdorimin e armës nga djali.
Topjana ka marrë dy plumba në bark dhe një tjetër në kokë, që ka qenë edhe fatali për të.
Pas ngjarjes, të dy autorët janë larguar nga vendngjarja, por janë kapur më vonë nga policia.
