Kronikë

Vrasja e 28-vjeçarit në Tiranë, pista kryesore ku po heton policia


               Publikuar në : 18:36 - 21/01/20 |
Opi Nion

Mbrëmjen e djeshme Tirana u trondit nga një atentat në zonën e Astirit, ku mbeti i vrarë 28-vjeçari Vilson Tafçiu. Ndërkohë, mësohet se pista kryesore ku po heton policia është trafiku i lëndëve narkotike.

Për ngjarjen e rëndë është shpallur në kërkim policor një person me inicialt N.D., që dyshohet se ka nxjerrë në pritë të riun me origjinë nga Peshkopia.

28-vjeçari me origjinë nga Peshkopia prej disa vitesh ka jetuar në Francë dhe Blegjikë, nga ku është depërtuar drejt vendit tonë. Për shkak të problemeve me drejtësinë, Vilsoni kishte ndryshuar edhe mbiemrin e tij disa vite më parë nga Vilson Noka në Tafçiu.

Tafçiu ka pasur një të shkuar kriminale. Ai  dyshohet si i përfshirë në trafiqe droge, si heroinë dhe marijuanë ndaj edhe është deportuar nga Franca më 6 nëntor të 2018 pasi kishte kryer 8 muaj burg.

“Vilsoni ishte klient i rregullt i lokalit”- thanë dëshmitarët në komisariatin nr. 6. Ai u thirrur nga një person i gjatë dhe ndërmjet tyre nuk ka patur tension apo konflikt fizik.

I riu u ngrit qetësisht nga bari, por që gjet i pajetë nga personat e shumtë që ishin në lokal. Ndërkohë, dyshohet se Vislon Noka Tafçiu të ketë qenë nën hetim edhe si anëtar i një grupi kriminal të arrestuar nga Policia e Shtetit së fundmi për trafik droge.

Këto prova janë zbuluar nga përgjimet ambientele të kryera nga Forcat Operacionale Speciale. 28-vjeçari i shpëtoi prangosjes por, që mbahej në monitorim nga sektori i narkotikëve, i dyshuar se ishte pjesë në trafikun e drogës në Tiranë.

Në vendin e ngjarjes uniformat blu sekuestruan një pistoletë TT që nuk dihet nëse i përket autorit apo viktimës, e cila u dërgua për ekspertizë balistike në Laboratorin e Policisë Shkencore. Autoritetet kanë gjetur dhe një automjet që dyshohet se u përdor nga autorët për të shkuar pranë vendit të krimi.

Policia po ka sekuestruar kamerat e lokalit ku ndodhi ngjarja si dhe të rrugëve kryesore dhe dytësore të cilat lidhen me zonën ku ndodhi vrasja./ Opinion.al

Pas