Policia greke ka arrestuar një person në lidhje me vrasjen e shqiptarit Mario Metaj mbrëmjen e djeshme në vendin e njohur si kryqëzimi i Kourtesis në Patra.
Sipas informacioneve, 31-vjeçari është bashkëpunëtori i vrasësit dhe është shqiptar. Ndërkohë, policia vijon kërkimet për arrestimin e personit i cili qëlloi me armë ndaj 27-vjeçarit.
I arrestuari ka qenë dhe personi që ka nxitur ekzekutorin që të qëllonte me plumb në kokë të riun shqiptar, duke i shkaktuar vdekjen.
Aktualisht, pista e parë e hetimit është hakmarrja si pasojë e përplasjeve mes bandave./ Opinion.al
